انتشرت هذه الصورة مؤخراً بكثرة على أنها مقاعد جديدة في شركات الطيران الإقتصادية تقدم خيار السفر وانت واقف في الطائرة مثل الباصات والقطارات. ولكن الحقيقة ان هذا مجرد تصميم تخيلي من شركة تصميم مقاعد إيطالية وكأنه تنبأ للتغيرات اللي ممكن تحصل في المستقبل.
مصادر كثيرة نشرت الصورة وذكرت ان شركات طيران اوروبية بدأت بالفعل في تركيب هذه المقاعد. ولكن كالمعتاد مستر طيران يعطيكم الصحيح بخصوص امور مثل هذه في عالم الطيران. واحد من برامجي في مواقع التواصل الإجتماعي اللي سميته “صحيح أو من الكيس؟” يناقش مثل هذه الأمور اللي تنتشر بين الناس وتكون غير صحيحة في اغلب الوقت.
الجدير بالذكر ان مقاعد الطيران عليها تدقيق عميق وطويل لدرجة ان تعديل بسيط في مقعدك العادي ممكن ياخذ شهور طويلة لتراخيص السلامة وغيره. مثل مشكلة طيران لوفتهانزا الألماني مع مقاعدهم الجديدة اللي صارلهم يخططو لها من 2017 والطيران السويسري بمقاعدهم الجديدة وغيرها من الأمثله.
ف مو سهل تركب مقاعد مثل هذه بسهولة على طائراتك. وغير مشكلة تقبل الناس اصلا اللي ما اتوقع شركة طيران ممكن تسوي تغيير في اي شيء عندهم الا بعد دراسة تقبل الناس للفكرة خاصة اذا كانت جديدة كلياً. وهذه الصورة طبعا كل فتره ترجع وتصير ترند يعني مو أول مره نشوفها تنتشر فجأه.
لكن نفترض ان الموضوع صار حقيقة. برأيكم انتم كمسافرين .. ممكن تجربو هذه المقاعد وتسافرو واقفين او لا؟ أنا بالنسبة لي عادي لكن جيبوا لي صديقي اللي اغلب سوالفه كذب عشان ما احس بالرحلة وتعب الوقوف.